ᑐᓴᐅᒪᖃᑎᒌᓐᓂᒧᓕᖓᔪᓂᑦ ᐃᑲᔪᕐᓯᒍᑎᑦᓭᑦ (JNC.1Q)

ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ ᐊᒻᒪᓗ ᓄᓇᓕᒻᒥ ᐱᓇᓱᑦᑎᓄᑦ ᐃᓕᑦᓯᒋᐊᓪᓚᕈᒪᔪᓄᑦ:

ᑐᓴᐅᒪᖃᑎᒌᒍᑎᑦᓴᓂᒃ ᐱᒍᑦᔨᔭᒥᓂᒃ ᐱᓇᓱᖃᑎᒥᓂᓪᓗ, ᑐᓴᐅᒪᖃᑎᒌᒍᑎᑦᓭᑦ ᐅᐃᒪᓇᕐᓯᔪᖃᕐᐸᑦ/ᐃᒻᒥᓂᐊᕈᒪᔪᖃᕐᐸᑦ, ᐱᓇᓱᑦᑎᐅᓂᕐᒥᒃ ᐃᓕᑦᓯᒋᐊᓪᓚᑖᕈᒪᔪᖃᕐᐸᑦ ᓇᒻᒥᓂᕐᒥᓗ-ᒪᑭᑕᑦᓯᐊᕆᐊᓪᓚᕈᒪᔪᖃᕐᐸᑦ.

ᑐᓴᐅᒪᖃᑎᒌᓐᓂᒧᓕᖓᔪᑦ ᐊᐅᓚᑦᓯᓂᓕᕆᕕᓐᓂ ᐱᓇᓱᑦᑎᓄᑦ (LCA.F7)

ᐊᐅᓚᑦᓯᓂᓕᕆᕕᓐᓂ ᓄᓇᓕᓐᓂᓘᓐᓃᑦ ᐱᓇᓱᑦᑎᓄᑦ ᐃᓕᑦᓯᒋᐊᓪᓚᕈᒪᔪᓄᑦ:

ᐱᓇᓱᕝᕕᒥ ᐃᓂᓪᓚᖓᐅᓯᓂᑦ, ᑐᓴᐅᒪᖃᑦᑕᐅᑎᒍᑎᑦᓴᓂᒃ ᐱᓇᓱᖃᑎᒌᑦᓯᐊᓂᕐᒥᓗ, ᖃᕆᑕᐅᔭᓕᕆᒍᑎᓂᓪᓗ (Word, Excel, PowerPoint), ᐱᓇᓱᑦᑕᐅᔪᑦᓴᓂᒃ ᐊᐅᓚᑦᓯᒍᓯᕐᓂᒃ ᐊᒻᒪᓗ ᐱᓇᓱᒐᖃᕐᓂᒧᑦ ᐊᓪᓚᒋᐅᕐᓴᓂᕐᒥᒃ ᖃᓪᓗᓈᑎᑐᑦ.

ᐃᓕᑕᕆᔭᐅᒍᑎᒃ ᐃᓕᓐᓂᐊᕕᒻᒪᕆᒥ ᐃᓕᓐᓂᐊᓂᕐᓄᑦ ᑲᒪᒋᔭᖃᕐᑎᐅᓂᕐᒥᒃ ᐱᓇᓱᑦᑎᓕᕆᕕᒻᒥ (LCA.9C)

ᑐᑦᓯᕋᒍᑎᕕᓂᐅᑎᓪᓗᒍ ᓄᓇᕕᒻᒥ ᐃᓗᓯᓕᕆᓂᕐᒥ ᑲᑎᒪᔨᒃᑯᓄᑦ, ᖃᐅᔨᒪᑦᓱᑎᑦ ᐱᓇᓱᑦᑎᑖᕆᐊᓪᓛᕆᐊᖃᕐᓂᒥᓂᒃ ᐃᓕᓐᓂᐊᕆᐊᓪᓛᓂᕐᒧᓕᖓᔪᓂᑦ ᑲᒪᒋᔨᖃᕐᑎᐅᓂᕐᒥᓗ ᐃᓄᓐᓂᑦ ᐱᓇᓱᑦᑎᓂᑦ, ᐃᓕᓐᓂᐊᕕᒻᒪᕆᒃ ᒪᕆ ᕕᒃᑐᕃᖕ ᐃᓕᓐᓂᐊᕋᑦᓴᐅᑎᑦᓯᓛᕐᖁᑦ ᐃᓕᑕᕆᔭᐅᒍᑎᑖᕈᑎᐅᒍᓐᓇᑐᒥᒃ ᐃᓕᓐᓂᐊᕕᒻᒪᕆᒥ ᐃᓕᓐᓂᐊᓂᕐᒥᒃ ᑲᒪᒋᔭᖃᕐᑎᐅᓂᕐᒧᑦ ᐱᓇᓱᑦᑎᓕᕆᕕᓐᓂ.