ᑐᓴᐅᒪᖃᑎᒌᓐᓂᖅ ᐊᐅᓚᑦᓯᓂᓕᕆᓂᕐᒥᒃ ᐃᓄᐃᑦ ᐱᓇᓱᑦᑎᖏᓐᓄᑦ (LCA.F7)

ᐱᓇᓱᖃᑎᖃᕐᓱᑎᑦ ᓄᓇᕕᐅᑉ ᐃᓗᓯᓕᕆᔨᖏᓐᓂᒃ, ᐃᓕᓐᓂᐊᕕᒻᒪᕆᒃ ᒫᕆ-ᕕᒃᑐᐊᕆᓐ ᑐᓂᓯᓂᖃᕐᑐᖅ ᐃᓕᑕᕆᔭᐅᔪᒥᒃ ᐱᒋᐅᕐᓴᑎᑦᓯᓂᕐᒥᒃ ᐋᖅᑭᓱᕐᑕᐅᓯᒪᔪᒥᒃ ᐃᓄᐃᑦ ᐱᓇᓱᑦᑎᖏᓐᓄᑦ. ᑖᓐᓇ ᐱᒋᐅᕐᓴᑎᑦᓯᓂᐅᔪᖅ ᐋᖅᑭᓱᕐᑕᐅᓯᒪᔪᖅ ᐊᐅᓚᑦᓯᓂᓕᕆᓂᐅᑉ ᐱᓇᓱᑦᑎᖏᓐᓄᑦ ᓄᓇᕕᒻᒥᑦ ᐃᓗᓯᓕᕆᔨᖏᓐᓄᑦ ᐊᒻᒪᓗ ᑐᕌᒐᖃᕐᓱᓂ ᐱᕙᓪᓕᐊᑎᑦᓯᓂᕐᒥᒃ ᑐᓴᐅᒪᖃᑎᒌᓐᓂᒥᒃ ᐊᒻᒪᓗ ᐱᓪᓗᑯᑦᑐᓕᕆᓂᕐᒥᒃ ᐱᓇᓱᕝᕕᐅᔪᓂᒃ.

ᐃᓕᓐᓂᐊᑎᑦᓯᓃᑦ ᐃᓕᑕᕆᔭᐅᔪᒥᒃ ᐱᓇᓱᐊᒐᑦᓴᖅ ᐱᑖᕐᑎᑕᐅᒍᓐᓇᕕᓕᒃ ᐃᓕᓐᓂᐊᕕᒻᒪᕆᐅᑉ ᐱᔭᕇᒍᑎᖓᓂᒃ

ᐃᓕᑕᕆᔭᐅᒍᑎᒃ ᐃᓕᓐᓂᐊᕕᒻᒪᕆᒻᒥᒃ ᐃᓕᓐᓂᐊᓂᕐᒥᒃ (ACS), ᑐᓴᐅᒪᖃᑎᒌᓐᓂᖅ ᐊᐅᓚᑦᓯᓂᓕᕆᓂᕐᒥᒃ

  • ᕿᒥᕐᕈᕈᓐᓇᓯᓂᖅ ᐱᓇᓱᒐᐅᑉ ᖃᓄᐃᓘᕈᓯᖏᓐᓂᒃ ᐊᐅᓚᑦᓯᓂᓕᕆᓂᕐᒥᒃ
  • ᐊᑐᕈᓐᓇᓯᓂᕐᒥᒃ ᐊᑐᕐᑕᐅᓕᐅᒥᔮᓲᓂᒃ ᖃᕆᑕᐅᔭᕈᑎᓂᒃ ᐊᓪᓚᕈᑎᓂᒃ ᐊᒻᒪᓗ ᖃᕆᑕᐅᔭᓕᕆᐅᑎᓂᒃ ᐊᐅᓚᑦᓯᓂᓕᕆᓂᕐᒨᓕᖓᔪᓂᒃ
  • ᐅᖃᓕᒪᖃᑎᖃᕈᓐᓇᓯᓂᕐᒥᒃ ᐊᒻᒪᓗ ᐱᓇᓱᒍᓐᓇᓂᕐᒥᒃ ᐊᐅᓚᑦᓯᓂᓕᕆᓂᕐᒥᒃ, ᐊᑑᑎᓗᓂ ᑲᒪᒋᔭᕐᒥᓂᒃ ᑲᒪᒋᔭᖃᕈᓐᓇᓂᕐᒥᒃ
  • ᐅᖃᓕᒪᕈᓐᓇᓗᓂ ᖃᓪᓗᓈᑎᑐᑦ ᖄᖏᕐᓂᑯᓕᐅᕋᓱᐊᕐᓂᓕᕆᓂᕐᒥᒃ
  • ᐊᐅᓚᑦᓯᒍᓐᓇᓗᓂ ᐱᓇᓱᐊᒐᑦᓴᒥᒃ


ᑖᑦᓱᒧᖓ ᐃᓕᑕᕆᔭᐅᔪᒧᑦ ᐱᓇᓱᐊᕐᑎᓯᒍᑎᒧᑦ, ᐱᓇᓱᐊᓕᓃᑦ ᐱᒋᐅᕐᓭᔩᑦ ᐃᓕᓐᓂᐊᕕᒻᒪᕆᐅᑉ ᒫᕆ-ᕕᒃᑐᐊᕆᓐ ᑲᒪᒋᔭᖃᓲᑦ ᐃᓕᓐᓂᐊᑎᓂᒃ ᐃᓕᒃᑰᑎᓪᓗᒋᑦ.e

ᐱᒋᐅᕐᓴᓂᐅᑉ ᐋᖅᑭᓱᕐᓯᒪᓂᖓ

ᐃᓚᐅᒍᓐᓇᓚᖓᔪᖃᑐᐊᕈᓂ ᐃᓕᑕᕆᔭᐅᔪᒥᒃ ᐱᓇᓱᐊᕐᑎᓯᒍᑎᒥᒃ, ᐃᓕᓐᓂᐊᑏᑦ ᐃᓚᐅᖁᔭᐅᔪᑦ ᐱᒍᓐᓇᓯᐊᕐᓂᒧᑦ ᐱᒍᓐᓇᓯᑎᑦᓯᓂᕐᒧᑦ ᐱᒋᐅᕐᓴᔭᐅᒍᑎᖓᓄᑦ (P.I. Training) ᐱᕕᑦᓴᖃᕐᑎᓯᒍᒪᒧᑦ ᐃᓕᕙᓪᓕᐊᓯᐊᕈᓐᓇᓂᕐᒥᒃ ᐃᓕᑕᕆᔭᐅᔪᒧᑦ ᐱᓇᓱᐊᕐᑎᓯᒍᑎᒥᒃ

ᐱᒍᓐᓇᓯᐊᕐᑑᓂᕐᒧᑦ ᐃᓕᕙᓪᓕᐊᑎᑦᓯᓂᕐᒧᑦ ᐱᒋᐅᕐᓴᑎᑦᓯᒍᑎᒃ

ᑐᕌᒐᕆᔭᖃᕐᑐᖅ ᑖᓐᓇ ᐱᒋᐅᕐᓴᑎᑦᓯᓂᖅ ᐱᕙᓪᓕᐊᑎᑦᓯᓂᕐᒥᒃ ᑐᓴᐅᒪᖃᑎᒌᓐᓂᐅᑉ ᐱᒍᓐᓇᓂᕆᒋᐊᓕᖏᓐᓂᒃ ᐊᒻᒪᓗ ᐊᐅᓚᑦᓯᓂᓕᕆᓂᕐᒥᒃ.
Cᐱᒍᓐᓇᓯᐊᕐᑑᓂᕐᒧᑦ ᐃᓕᕙᓪᓕᐊᑎᑦᓯᓂᕐᒧᑦ ᐱᒋᐅᕐᓴᑎᑦᓯᒍᑎᒃ ᑐᓂᔭᐅᓂᖃᕐᑐᖅ ᖃᓪᓗᓈᑎᑐᑦ, ᐱᒋᐊᕐᓂᖃᓲᖅ ᓯᑦᑎᒻᐱᕆᒥᒃ ᐊᒻᒪᓗ ᑲᔪᓯᓂᖃᕐᓱᓂ ᐁᕆᓕᒧᑦ, ᐃᓕᒃᑰᑎᕐᑐᑦ ᐃᓕᓐᓂᐊᑎᑕᐅᓂᖏᑦ ᐱᖓᓱᓂᒃ ᐅᓪᓗᓂᒃ ᐊᑑᑎᔭᐅᓂᖃᕐᑎᓗᒋᑦ. ᓯᕕᑐᓂᖏᑦ ᐱᒋᐅᕐᓴᑎᑦᓯᓃᑦ ᑲᔪᓯᓂᖃᓲᖅ ᐃᑉᐱᒋᑦᓱᒋᑦ ᐱᕙᓪᓕᐊᓂᕆᔭᖏᑦ ᐃᓕᓐᓂᐊᑏᑦ. ᐃᓕᓐᓂᐊᑎᑦᓯᓃᑦ ᓱᖃᑦᓯᑎᑦᓯᓂᖃᓲᑦ ᐊᒻᒪᓗ ᐃᓕᒃᑯᑦ ᐱᓇᓱᐊᕐᓂᖏᓐᓂᒃ. ᐃᓕᓐᓂᐊᑎᑦᓯᒍᑏᑦ ᑲᒪᒋᔭᖃᓲᑦ ᓯᕗᓪᓕᐹᖓᓂᒃ ᐊᕐᕌᒍᕐᒥᑦ ᐅᑯᓂᖓ, ᑐᓴᐅᒪᖃᑎᒌᒋᐅᕐᓴᓂᖅ, ᐱᓇᓱᖃᑎᖃᕆᐅᕐᓴᓂᖅ, ᖃᕆᑕᐅᔭᓕᕆᒋᐅᕐᓴᓂᖅ (ᐊᓪᓚᕈᑎᒃ, ᐊᓯᖏᓪᓗ)ᒪ ᐱᓇᓱᐊᒐᑦᓴᓂᒃ ᐊᐅᓚᑦᓯᓂᓕᕆᓂᖅ, ᖄᖏᕐᓂᑯᓕᐅᕋᓱᐊᕐᓂᒥᒃ ᐊᓪᓚᒋᐅᕐᓴᓂᖅ ᐊᒻᒪᓗ ᐱᓇᓱᒐᕐᒥᓂᒃ ᐃᓂᓪᓚᖓᒋᐅᕐᓴᓂᖅ.
ᓄᐊᑕᐅᓯᒪᓂᖏᑦ ᐊᒻᒪᓗ ᐃᒻᒥᒍᑦ ᐱᓇᓱᐊᕐᓂᖏᑦ ᐃᑉᐱᒋᔭᐅᖏᓐᓇᓚᖓᔪᑦ ᐱᒋᐅᕐᓴᓂᓕᒫᖏᓐᓂᒃ ᐊᒻᒪᓗ ᐊᑐᕐᑕᐅᒐᔭᕐᓱᑎᑦ ᐃᓕᑕᕆᔭᐅᓚᕿᓂᕐᒧᑦ ᐊᒻᒪᓗ ᐱᔭᕇᕈᓐᓇᐅᑎᑖᕐᓂᒧᑦ. ᐃᓕᓐᓂᐊᑐᑦ ᑕᑕᕐᓭᖃᑦᑕᓚᖓᔪᑦ ᐱᒋᐅᕐᓴᓂᕕᓂᕐᒥᓂᒃ ᐃᓕᓐᓂᐊᕇᒋᐊᑕᒫᑦ ᖃᐅᔨᒣᓐᓇᕈᑎᑦᓴᒥᓂᒃ ᐱᓯᒪᓕᕐᑕᓕᒫᒥᓂᒃ.