ᑐᓴᐅᒪᖃᑎᒌᓐᓂᖅ ᐃᑲᔪᕐᓯᓂᕐᒥᒃ ᐃᓚᒌᓂᒃ ᐃᓄᐃᑦ ᐱᓇᓱᑦᑎᖏᓐᓂᒃ (JNC.1Q)

ᐱᓇᓱᖃᑎᖃᕐᓱᑎᑦ ᓄᓇᕕᐅᑉ ᐃᓗᓯᓕᕆᔨᖏᓐᓂᒃ, ᐃᓕᓐᓂᐊᕕᒻᒪᕆᒃ ᒫᕆ ᕕᒃᑐᐊᕆᓐ ᑐᓂᓯᓂᖃᕐᑐᖅ ᐃᓕᑕᕆᔭᐅᒍᑎᑖᕈᑎᐅᒍᓐᓇᑐᒥᒃ ᐱᒋᐅᕐᓴᑎᑦᓯᓂᕐᒥᒃ ᐋᖅᑭᓱᕐᑕᐅᓯᒪᔪᖅ ᐃᓄᑐᐃᓐᓇᓄᑦ ᐱᓇᓱᑦᑎᓄᑦ ᐃᓗᓯᓕᕆᓂᕐᒥᒃ ᐊᒻᒪᓗ ᐃᓄᓕᕆᓂᕐᒥᒃ. ᑖᓐᓇ ᐱᒋᐅᕐᓴᑎᑦᓯᓂᖅ ᓴᓇᔭᐅᔪᕕᓂᖅ ᐱᓇᓱᑦᑎᓄᑦ ᐅᕕᒃᑫᑦ ᓴᐳᒻᒥᔨᖏᓐᓄᑦ, ᐃᓄᓕᕆᔩᑦ ᐱᒍᑦᔨᔨᖏᓐᓄᑦ, ᐅᕝᕙᓘᓐᓃᑦ ᐃᕕᕐᑎᓯᕕᐅᑉ ᐱᒍᑦᔨᕕᖏᓐᓄᑦ ᓄᓇᕕᒻᒥᒃ. ᑖᓐᓇ ᐱᒋᐅᕐᓴᑎᑦᓯᓂᐅᑉ ᐱᓇᓱᐊᕐᑕᐅᓂᖓ ᐃᑲᔪᕐᓯᓂᖃᓚᖓᔪᖅ ᐊᒥᓱᐃᑎᒍᑦ ᐃᓚᒌᑦᓯᐊᓂᕐᒥᒃ.

ᐃᓕᓐᓂᐊᑎᑦᓯᓃᑦ ᐃᓕᑕᕆᔭᐅᔪᒥᒃ ᐱᓇᓱᐊᒐᑦᓴᖅ ᐱᑖᕐᑎᑕᐅᒍᓐᓇᕕᓕᒃ ᐃᓕᓐᓂᐊᕕᒻᒪᕆᐅᑉ ᐱᔭᕇᒍᑎᖓᓂᒃ

ᐃᓕᑕᕆᔭᐅᒍᑎᒃ ᐃᓕᓐᓂᐊᕕᒻᒪᕆᒻᒥᒃ ᐃᓕᓐᓂᐊᓂᕐᒥᒃ (ACS), ᑐᓴᐅᒪᖃᑎᒌᓐᓂᖅ ᐃᑲᔪᕐᓯᓂᕐᒥᒃ ᐃᓚᒌᓐᓂᒥᒃ

  • ᑐᑭᓯᒪᒍᓐᓇᓯᓂᕐᒥᒃ ᐱᓇᓱᒐᐅᑉ ᖃᓄᐃᓘᕈᓯᖏᓪᓂᒃ ᐃᑲᔪᕐᓯᒪᒍᓐᓇᓂᕐᒥᒃ ᐃᓚᒌᓐᓂᒥᒃ.
  • ᑐᓴᐅᒪᖃᑎᒌᒍᓐᓇᓂᕐᒥᒃ ᐃᑲᔪᕐᑕᒥᓂᒃ ᐊᒻᒪᓗ ᐱᓇᓱᖃᑎᒋᔭᒥᓂᒃ
  • ᑲᑎᕐᓱᐃᒍᓐᓇᓂᖅ ᑐᓴᕋᑦᓴᓂᒃ ᐃᓅᑉ ᐱᐅᓯᕆᔭᖏᓐᓂᒃ
  • ᐅᖄᖃᑎᖃᕈᓐᓇᓂᕐᒥᒃ ᐃᓄᓐᓂᒃ ᐊᑦᓱᕈᕐᓇᑐᒃᑰᑐᓂᒃ
  • ᓴᐳᒻᒥᓯᒍᓐᓇᓂᕐᒥᒃ ᐃᓅᑉ ᖃᓄᐃᖕᖏᓯᐊᕐᓂᕆᔭᖓᓂᒃ
  • ᐊᑐᕈᓐᓇᓯᓂᕐᒥᒃ ᐱᓇᓱᐊᕐᑕᐅᒋᐊᓕᓐᓂᒃ ᐱᕙᓪᓕᐊᔭᐅᒍᑎᖏᓐᓂᒃ ᐃᑲᔪᕐᓯᓂᕐᒥᒃ ᐃᓚᒌᓂᒃ ᐱᓇᓱᐊᕐᑕᐅᓂᖓᓂᒃ


ᑖᑦᓱᒧᖓ ᐃᓕᑕᕆᔭᐅᒍᑎᓕᒻᒧᑦ ᐱᓇᓱᐊᕐᑕᐅᓂᖓᓄᑦ, ᐃᓕᓐᓂᐊᑏᑦ ᑐᑭᒧᐊᕐᑎᑕᐅᓂᖃᓲᑦ ᐃᓕᒃᑯᑦ ᐱᓇᓱᓕᓂᕐᓄᑦ ᐱᒋᐅᕐᓭᔨᓄᑦ ᒫᕆ ᕕᒃᑯᐊᕆᓐ ᐃᓕᓐᓂᐊᕕᒻᒪᕆᖓᓄᑦ.

ᐱᒋᐅᕐᓴᓂᐅᑉ ᐋᖅᑭᓱᕐᓯᒪᓂᖓ

ᐃᓚᐅᒍᓐᓇᓚᖓᔪᖃᑐᐊᕈᓂ ᐃᓕᑕᕆᔭᐅᔪᒥᒃ ᐱᓇᓱᐊᕐᑎᓯᒍᑎᒥᒃ, ᐃᓕᓐᓂᐊᑏᑦ ᐃᓚᐅᖁᔭᐅᔪᑦ ᐱᒍᓐᓇᓯᐊᕐᓂᒧᑦ ᐱᒍᓐᓇᓯᑎᑦᓯᓂᕐᒧᑦ ᐱᒋᐅᕐᓴᔭᐅᒍᑎᖓᓄᑦ (P.I. Training) ᐱᕕᑦᓴᖃᕐᑎᓯᒍᒪᒧᑦ ᐃᓕᕙᓪᓕᐊᓯᐊᕈᓐᓇᓂᕐᒥᒃ ᐃᓕᑕᕆᔭᐅᔪᒧᑦ ᐱᓇᓱᐊᕐᑎᓯᒍᑎᒥᒃ

ᐱᒍᓐᓇᓯᐊᕐᑑᓂᕐᒧᑦ ᐃᓕᕙᓪᓕᐊᑎᑦᓯᓂᕐᒧᑦ ᐱᒋᐅᕐᓴᑎᑦᓯᒍᑎᒃ

ᑐᕌᒐᕆᔭᖃᕐᑐᖅ ᑖᓐᓇ ᐱᒋᐅᕐᓴᑎᑦᓯᓂᖅ ᐱᕙᓪᓕᐊᑎᑦᓯᓂᕐᒥᒃ ᑐᓴᐅᒪᖃᑎᒌᓐᓂᐅᑉ ᐱᒍᓐᓇᓂᕆᒋᐊᓕᖏᓐᓂᒃ ᐊᒻᒪᓗ ᐱᒍᓐᓇᓯᐊᕐᓂᓂᒃ ᐃᑲᔪᕐᓯᒍᓐᓇᓂᕐᓂᒃ ᐃᓚᒌᓂᒃ.
ᐱᒍᓐᓇᓯᐊᕐᑑᓂᕐᒧᑦ ᐃᓕᕙᓪᓕᐊᑎᑦᓯᓂᕐᒧᑦ ᐱᒋᐅᕐᓴᑎᑦᓯᒍᑎᒃ ᑐᓂᔭᐅᓂᖃᕐᑐᖅ ᖃᓪᓗᓈᑎᑐᑦ, ᐱᒋᐊᕐᓂᖃᓲᖅ ᓯᑦᑎᒻᐱᕆᒥᒃ ᐊᒻᒪᓗ ᑲᔪᓯᓂᖃᕐᓱᓂ ᐁᕆᓕᒧᑦ, ᐃᓕᒃᑰᑎᕐᑐᑦ ᐃᓕᓐᓂᐊᑎᑕᐅᓂᖏᑦ ᐱᖓᓱᓂᒃ ᐅᓪᓗᓂᒃ ᐊᑑᑎᔭᐅᓂᖃᕐᑎᓗᒋᑦ. ᓯᕕᑐᓂᖏᑦ ᐱᒋᐅᕐᓴᑎᑦᓯᓃᑦ ᑲᔪᓯᓂᖃᓲᖅ ᐃᑉᐱᒋᑦᓱᒋᑦ ᐱᕙᓪᓕᐊᓂᕆᔭᖏᑦ ᐃᓕᓐᓂᐊᑏᑦ. ᐃᓕᓐᓂᐊᑎᑦᓯᓃᑦ ᓱᖃᑦᓯᑎᑦᓯᓂᖃᓲᑦ ᐊᒻᒪᓗ ᐃᓕᒃᑯᑦ ᐱᓇᓱᐊᕐᓂᖏᓐᓂᒃ. ᐃᓕᓐᓂᐊᑎᑦᓯᒍᑏᑦ ᑲᒪᒋᔭᖃᓲᑦ ᐅᑯᓂᖓ, ᐱᕙᓪᓕᐊᓂᓕᕆᓂᖅ ᐃᓱᒪᓕᕆᓂᕐᒥᒃ, ᑐᓴᐅᒪᖃᑎᒌᒍᓐᓇᓂᖅ ᐱᓇᓱᐊᖃᑎᒌᓂᒃ ᐊᒻᒪᓗ ᑲᒪᒋᔭᒥᓂᒃ, ᐅᖃᓕᒪᖃᑎᖃᕈᓐᓇᓂᖅ ᐊᑦᓱᕈᕐᓇᑐᒃᑰᑐᓂᒃ/ᐃᒻᒥᓂᐊᕐᓂᒦᑦᑐᓂᒃ ᐊᒻᒪᓗ ᐱᒍᓐᓇᓯᐊᕐᓂᒥᒃ ᐱᕙᓪᓕᐊᑎᑦᓯᓂᕐᒥᒃ.
ᐱᔭᕇᓯᒍᑎᒃ ᐱᒋᐅᕐᓴᓂᕐᒥᓂᒃ, ᐃᓕᓐᓂᐊᑏᑦ ᐊᑑᑎᓂᖃᖁᔭᐅᔪᑦ ᐱᓇᓱᓐᓂᕕᓂᕐᒥᓂᒃ ᐊᒻᒪᓗ ᐃᓕᓐᓂᐊᓂᕐᒥᓂᒃ ᐊᓪᓚᓯᒪᔪᓕᐊᕕᓂᕐᒥᓂᒃ ᐊᑐᕐᑕᐅᒋᐊᓕᒃ ᐱᒋᐅᕐᓭᔨᖓ ᒪᓕᒍᓐᓇᖁᓪᓗᒍ ᐱᕙᓪᓕᐊᓂᖏᓐᓂᒃ ᐃᓕᓐᓂᐊᑏᑦ.
ᙯᓗᑎᑦ ᐊᒻᒪᓗ ᐱᐅᓯᒋᐊᕆᓗᑎᑦ ᐱᓇᓱᒐᕐᓅᓕᖓᔪᓂᒃ ᐱᒍᓐᓇᓂᐅᔪᓂᒃ ᐃᓕᓐᓂᐊᓂᕐᓂᒃ ᐃᓕᓐᓂᐊᖃᑎᑎᓐᓂᒃ ᐱᓇᓱᖃᑎᑎᓐᓂᓗ.